Նկարիր Կասկադը։ Զբոսանք-էքսկուրսիա երեխաների համար՝ նկարչության վարպետության դասով
Կլսենք երևանյան Կասկադի պատմությունը, կուսումնասիրենք ժամանակակից արվեստի գլուխգործոցները և մեզ ճարտարապետներ կզգանք

Կասկադը Երևանի գլխավոր տեսարժան վայրերից մեկն է: 
Հրավիրում ենք երեխաներին և նրանց ծնողներին՝ ոչ միայն ուսումնասիրել նրա առանձնահատկությունները, այլ նաև դառնալ լեգենդար օբյեկտի համահեղինակներից մեկը։
Էքսկուրսիայի ժամանակ մենք կիմանանք, թե ինչով են զբաղվում ճարտարապետները և քանդակագործները, կիմանանք, թե ինչ մեթոդներ կարող են օգտագործել արվեստագետները իրենց ստեղծագործությունները ստեղծելիս, նաև խաղային ձևով կուսումնասիրենք Գաֆեսչյան կենտրոնի ժամանակակից արվեստի հավաքածուն: Եվ, իհարկե, կիմանանք, թե ինչու է Կասկադը հատուկ տեղ զբաղեցնում մեր քաղաքում:
Այնուհետև մենք ազատություն կտանք մեր երևակայությանը և գործնականում կկիրառենք մեր գիտելիքները՝ կզգանք մեզ իսկական ճարտարապետների դերում: Էքսկուրսիան կշարունակենք վարպետության դասով, որտեղ մասնակիցներից յուրաքանչյուրը կառաջարկի Կասկադի իր ավարտը՝ ոգեշնչված արվեստից, բնությունից, ճարտարապետությունից և սեփական գաղափարներից:

Էքսկուրսիայի ժամանակ կտեսնեք:

• Յուե Մինցզյունի քանդակը, որտեղ ծիծաղող մարդը սարսափելի տպավորություն է թողնում
• Ֆերնանդո Բոտերոյի աշխատանքները
• Կասկադի «Այցելուին», որը միայն իր կեսն է ներկայացնում
• Լողորդների խումբը, որոնք պատրաստվում են Քանաքեռի բլրի բարձրությունից քաղաք ընկնել

Վարպետության դասի ժամանակ կիմանաք:

• Ինչ տեղ է զբաղեցնում Կասկադը Ալեքսանդր Թամանյանի քաղաքային պլանում
• Ինչ է գրոտեսկը և ինչպես է այս մեթոդը գործում
• Ինչպես է անվադողերից պատրաստված առյուծը կոչ անում հոգ տանել էկոլոգիայի մասին
• Ովքեր են մեցենատները և ինչու են նրանք անհրաժեշտ
• Ինչ է դիզայնը և ինչու է արվեստի օբյեկտների մեջ ցուցադրվում կահույք
• Ինչ խորհրդանիշներ են ունեն մեծ նշանակություն հայկական մշակույթի համար

Տարիքը: 7-15 տարեկան:  7-9 տարեկան երեխաներին հրավիրում ենք ծնողների ուղեկցությամբ:

Տևողությունը: 1,5 ժամ:
Որտեղ է սկսվում: Ալեքսանդր Թամանյանի հուշարձանի մոտ՝ Կասկադի կողքին:
Որտեղ է ավարտվում: Ռուսական արվեստի թանգարանում (Կասկադ, Իսահակյան փ., 38):

Կազմակերպչական հարցեր:

• Միջոցառման մի մասը կանցկացվի փողոցում: Պարտադիր ապահովեք ձեր երեխային գլխարկով և արևային պաշտպանությամբ (SPF քսուք), ինչպես նաև հարմարավետ կոշիկներով և խմելու ջրի շշով:
• Վարպետության դասի ավարտից հետո, խնդրում ենք, ժամանակին վերցրեք երեխաներին: